Беларускі ПЭН прэзентаваў выставу, прысвечаную забароненым у Беларусі кнігам, на адкрыцці 91-га Кангрэса Міжнароднага ПЭНа ў Кракаве.
Мы ўдзячныя нашым партнёрам з Польскага і Міжнароднага ПЭНаў за дапамогу ў арганізацыі выставы. Асобна дзякуем усім наведвальнікам за праяўленую салідарнасць і цёплую падтрымку беларусаў у іх змаганні за правы чалавека і культурныя правы.
Забарона кніг – гэта не толькі акт цэнзуры, але і парушэнне права на свабоду слова і на доступ да інфармацыі, замацаванага міжнароднымі дамовамі. Беларускі ПЭН дакументуе кожны выпадак, каб праўда пра культурныя рэпрэсіі была захавана і пачута.
Сёння ў Беларусі:
- 222+ кнігі забаронены з палітычных і ідэалагічных прычын;
- 179+ аўтараў пад забаронай;
- 5 ліквідаваных выдавецтваў за апошнія 5 гадоў;
- не менш за 40 людзей слова ў няволі.